"Манчестер Юнайтед"нинг янги футболчиси инглиз клубига ўтиши ҳақида гапирди.
22 ёшли Антони трансфери манкунианликларга бонусларни ҳисобга олмаганда 95 миллион еврога тушган. Бразилиялик футболчи бунгача “қизил иблислар”ни бошқараётган Эрик тен Хаг қўл остида ишлаган.
“Аякс”да Эрик тен Хаг қўл остида ўйнаш мен ва ривожланишим учун жуда мос эди. Унинг футболи ва мураббийлик услуби мендаги энг яхши жиҳатларни очиб беради. У менга Манчестердаги режалари ва амбициялари ҳақида гапириб бергани мени руҳлантирди", - дея Антонидан иқтибос келтиради инглиз клуби расмий сайти.
