Ҳуқуқий жиҳатдан "Ньюкасл" клубига тегишли бўлган словакиялик дарвозабон Мартин Дубравка 2022/2023 йилги мавсумни "Манчестер Юнайтед"да ижара асосида ўтказади. Бу ҳақда "қизил иблислар" расмий сайти хабар тарқатмоқда.
Шартнома сотиб олиш опциясини ўз ичига олади. 33 ёшли дарвозабон 2018 йилнинг январидан бери "Ньюкасл"да ўйнаб келаётганди. У жамоа таркибида 130 та ўйин ўтказиб, 175 та гол ўтказиб юборган. 2019/2020 йилги мавсумда Дубравка жамоанинг энг яхши футболчиси деб топилди.
Бунгача дарвозабон “Спарта Прага”, “Слован Либеретс”, Даниянинг "Эсбьерг" ва Словакиянинг “Жилина” клубларида ҳам тўп сурган.
