Элдор Шомуродовнинг ишларига масъул бўлган ProSportsManagement компаниясининг Осиёдаги лойиҳаларини бошқариб келаётган Қаҳҳор Мўминов ўзбекистонлик ҳужумчининг келажаги ҳақида гапирди.
"Элдор "Рома"да қолади. Клуб барча таклифларни кўриб чиқишдан бош тортди. Таклифлар июнь, июль ойларида ва ҳаттоки трансфер ойнасининг охирги кунлари ва соатларида тушди.
Бизга Шомуродов кўпроқ ўйнаш учун ижарага берилган маъқулдек туюлди. Аммо "Рома" матбуотга қандайдир маълумотлар ошкор этилишига қарамай, Элдор уларнинг спорт лойиҳасининг муҳим қисми эканлигини ҳар доим таъкидлаб келади. Бунинг ижобий томонларини кўришга ҳаракат қиламиз" - деди Шомуродовнинг агенти.
