Ярим ҳимоячи Энсли Мэйтленд-Найлз “Арсенал”ни тарк этди.
25 ёшли англиялик футболчининг ижараси ҳақида "Саутгемптон" эълон қилди. Шартнома 2023 йилнинг ёзига қадар амал қилади.
Ярим ҳимоячи ўтган мавсумнинг иккинчи ярмини "Рома"да ўтказди ва А Серияда 8та ўйинда бирорта ҳам самарали ҳаракат қилмади.
“Саутгемптон” “Манчестер Сити”дан 19 ёшли ярим ҳимоячи Сэм Эдозини ҳам сотиб олди ва у билан 5 йиллик шартнома имзолади. Sky Sports трансферни 10 миллион фунтга баҳоламоқда.
Бундан ташқари, "Саутгемптон" "Манчестер Сити" ҳимоячиси Хуан Лариосни ўз сафига қўшиб олди. 18 ёшли испаниялик футболчи учун 6 миллион фунт тўлаган.
