"Манчестер Юнайтед" ярим ҳимоячиси Кристиан Эриксен жамоасининг АПЛни 5-турида "Лестер"га қарши сафардаги ғалабаси ҳақида фикр билдирди.
Эслатиб ўтамиз, "қизил иблислар" биринчи бўлимда Жейдон Санчо томонидан киритилган ягона голи эвазига уч очкони қўлга киритишди.
"Менимча, бу ўйин "Саутгемптон"га қарши ўйинга ўхшади. Гол олдидан биз жуда яхши ўйнадик, аммо кейин натижани кафолатлаш учун кўпроқ вазмин ўйнашга мажбур бўлдик. Ҳар ҳолда, ўйин жуда қийин бўлди", - деди Эриксен "Манчестер Юнайтед" расмий сайтига.
Эслатиб ўтамиз, Эриксен шу ёзда "Манчестер Юнайтед"га текинга ўтган эди. 5 та учрашувида даниялик футболчи "қизил иблислар" таркибида бирорта ҳам самарали ҳаракати билан ажралиб турмади.
