"Марсель" ҳужумчиси Бамба Дьенгнинг бошқа жамоага ўтиши трансфер ойнасининг сўнгги кунида амалга ошмай қолди.
"Лидс" 22 ёшли ҳужумчи учун 8,6 миллион фунт стерлингга келишиб олганди. Футболчи тиббий текширувдан ўтиш учун шахсий рейсда Англияга учиб келганди. Бироқ, унинг агенти аэропортда телефон орқали "Ницца" жамоаси билан келишиб, улар Францияга қайтиб кетишганди.
Бироқ, сенегаллик футболчи "Ницца"да тиббий кўрикдан ўта олмагани учун ушбу трансфер якунда барбод бўлди.
Лекин, Дьенгнинг трансфер қилиш имконияти ҳали ҳам мавжуд, чунки Лига 1 жамоаларга трансфердан ойнаси ёпилганидан кейин яна битта харидни амалга оширишга имкон беради.
