"Спартак" билан шартномасини бекор қилган ҳамюртимиз Остон Ўрунов "Урал"га ўтади.

"РБ Спорт" хабарига кўра, ярим ҳимоячи тез орада "Урал" билан шартнома имзолайди. Бугун ёки эртага Ўрунов Екатеринбургга учиши керак.

Бу маълумотни "Урал" президенти Григорий Иванов ҳам тасдиқлади.

"Агар шартномани имзоласак, кейин имзоладик деймиз. Бизнинг базамизда пайдо бўлганда, биз кўрамиз. Музокаралар олиб бордик. Шундай экан, кутамиз.

- Қачонгача имзолашни режалаштиряпсиз?

- У қандай ҳолатда бўлишини билмайман. Мураббий биринчи навбатда уни кўриши керак. Ҳозирча, агар у ростдан ҳам таркибда ўйнаса, бир ярим мавсумни режалаштиряпмиз. Лекин аниқ айта олмайман. У ҳозир қандай формада эканлигини билмаймиз. У терма жамоада ўйнаган бўлсада, кўп ўйнамади.

- Бугун ёки эртага келиши керакми?

- Ҳа, бугун ёки эртага", - деди Иванов.

Бугун "Спартак" Ўрунов билан шартномани томонлар келишувига кўра бекор қилганини эълон қилди. Остон 2020 йилда Москва клуби сафида 9та ўйин ўтказиб, битта гол урган, кейин эса “Уфа”да ижара асосида ўйнаган.