"Spartak" bilan shartnomasini bekor qilgan hamyurtimiz Oston O‘runov "Ural"ga o‘tadi.

"RB Sport" xabariga ko‘ra, yarim himoyachi tez orada "Ural" bilan shartnoma imzolaydi. Bugun yoki ertaga O‘runov Yekaterinburgga uchishi kerak.

Bu ma’lumotni "Ural" prezidenti Grigoriy Ivanov ham tasdiqladi.

"Agar shartnomani imzolasak, keyin imzoladik deymiz. Bizning bazamizda paydo bo‘lganda, biz ko‘ramiz. Muzokaralar olib bordik. Shunday ekan, kutamiz.

- Qachongacha imzolashni rejalashtiryapsiz?

- U qanday holatda bo‘lishini bilmayman. Murabbiy birinchi navbatda uni ko‘rishi kerak. Hozircha, agar u rostdan ham tarkibda o‘ynasa, bir yarim mavsumni rejalashtiryapmiz. Lekin aniq ayta olmayman. U hozir qanday formada ekanligini bilmaymiz. U terma jamoada o‘ynagan bo‘lsada, ko‘p o‘ynamadi.

- Bugun yoki ertaga kelishi kerakmi?

- Ha, bugun yoki ertaga", - dedi Ivanov.

Bugun "Spartak" O‘runov bilan shartnomani tomonlar kelishuviga ko‘ra bekor qilganini e’lon qildi. Oston 2020 yilda Moskva klubi safida 9ta o‘yin o‘tkazib, bitta gol urgan, keyin esa “Ufa”da ijara asosida o‘ynagan.