"Ливерпуль" дарвозабони Алиссон Беккер "Гудисон Парк"да "Эвертон"га қарши бўлиб ўтадиган "мерсисайд дербиси"дан олдинги фикрлари билан ўртоқлашди.
"Мен ушбу дербининг бир қисми бўлишни хоҳлайман. Мухлислар ўз жамоаларига куч бағишлайдиган шундай муҳитдаги ўйинларда доим иштирок этишни хоҳлайсиз", - деди Алиссон "Ливерпуль" расмий сайтига берган интервьюсида.
Эслатиб ўтамиз, "Ливерпуль" Англия Премьер-лигасининг 5 турида иккита ғалабага эришди. "Эвертон" бу мавсумда ҳали битта ўйинда ғалаба қозона олмади. Фрэнк Лэмпард шогирдларида учта дуранг ва иккита мағлубият бор.
2010 йилдан бери "Эвертон" Премьер-лигада "Ливерпул"ни фақат бир марта мағлуб этган.
