Мадриднинг "Реал" клуби бош мураббийи Карло Анчелотти Ла Лига 4-туридан ўрин олган "Бетис"га қарши ўйин олдидан ўз фикрлари билан ўртоқлашди.
"Бу йил Ла Лигада яққол фаворит йўқ, кучли рақобат бўлади. Бизни қийин ўйин кутиб турибди, чунки "Бетис" айни вақтда яхши ҳолатда.
Модрич ва Бенземанинг бу клубдаги келажаги аниқ – агар улар қолишни истаса, шу ерда фаолиятини якунлаши мумкин. Кроос ва Начо учун ҳам худди шундай, клуб шуни хоҳлайди. Асенсио жамоада қолганидан хурсанд. Унга имкониятлар берилади", - деди Анчелотти.