УЕФА 19 та клубни, жумладан, "Манчестер Сити" ва "Барселона"ни молиявий фэйр-плей бўйича назорат қилади.

Жума куни ташкилот МФП (молиявий фэйр-плей) бўйича ҳисоботни эълон қилди. Унда айтилишича, 8 та клуб, жумладан, «ПСЖ», «Ювентус», «Интер», «Милан» ва «Рома» клублари молиявий фэйр-плей қоидаларини бузган.

"Манчестер Сити", "Барселона", "Челси", "Боруссия Дортмунд", "Лестер", "Базел", "Унион", "Фенербахче", "Фейеноорд", "Лион", "Рейнжерс", "Бетис", "Антверпен", "Севилья", "Лацио", "Наполи", "Трабзонспор", "Вольфсбург" ва "Вест Хэм" каби яна 19 та клуб талабни техник жиҳатдан тўлдиришга муваффақ бўлди.

Аммо санаб ўтилган клублар буни фақат УЕФАнинг пандемия сабабли берилган енгилликдан фойдаланган ҳолда ва/ёки ўтмиш орқали амалга оширган.

УЕФА 2023 молия йилидан бошлаб ковид билан боғлиқ махсус чоралар ва тарихий молиявий натижаларни ҳисобга олиш қўлланилмаслигини эслатди.

Ушбу 19 та клубдан қўшимча молиявий маълумотлар сўралган. Бундан ташқари, келгуси ҳисобот даврида улар қаттиқ назорат қилинади.