UYEFA 19 ta klubni, jumladan, "Manchester Siti" va "Barselona"ni moliyaviy feyr-pley bo‘yicha nazorat qiladi.

Juma kuni tashkilot MFP (moliyaviy feyr-pley) bo‘yicha hisobotni e’lon qildi. Unda aytilishicha, 8 ta klub, jumladan, «PSJ», «Yuventus», «Inter», «Milan» va «Roma» klublari moliyaviy feyr-pley qoidalarini buzgan.

"Manchester Siti", "Barselona", "Chelsi", "Borussiya Dortmund", "Lester", "Bazel", "Union", "Fenerbaxche", "Feyenoord", "Lion", "Reynjers", "Betis", "Antverpen", "Sevilya", "Lasio", "Napoli", "Trabzonspor", "Volfsburg" va "Vest Xem" kabi yana 19 ta klub talabni texnik jihatdan to‘ldirishga muvaffaq bo‘ldi.

Ammo sanab o‘tilgan klublar buni faqat UYEFAning pandemiya sababli berilgan yengillikdan foydalangan holda va/yoki o‘tmish orqali amalga oshirgan.

UYEFA 2023 moliya yilidan boshlab kovid bilan bog‘liq maxsus choralar va tarixiy moliyaviy natijalarni hisobga olish qo‘llanilmasligini eslatdi.

Ushbu 19 ta klubdan qo‘shimcha moliyaviy ma’lumotlar so‘ralgan. Bundan tashqari, kelgusi hisobot davrida ular qattiq nazorat qilinadi.