Ўзбекистон Coca Cola Кубогининг чорак финали доирасидаги “Сўғдиёна” – “Қизилқум” (1:1) учрашувидан кейинги матбуот анжуманида навоийликлар бош мураббийи Никола Лазаревич иштирок этди.

Ўйин ҳақида
— Ўйин ҳақида нима дейишим мумкин? 120  дақиқалик ажойиб ва қийин ўйин бўлди. Биз мана шундай баҳсни кутгандик. Аламлиси, кимдир мағлубиятга учраши керак эди. Ўйинда кутилмаган жиҳати шу бўлдики, “Сўғдиёна” қарши ҳужумларга эътибор қаратди. Кейин ўйин режамиздагидек давом этди. 120 дақиқа курашларга бой ўйин бўлди. Ғалаба қозонган тақдиримизда ҳам, бунга ҳақли равишда эришган бўлардик. Ўзбекистон кубогининг кейинги босқичига йўлланма олишни мақсад қилгандик. Афсуски, мағлубиятга учрадик. Буёғига эндиликда чемпионат баҳсларига эътибор қаратамиз.

— Жамоангиз қўшимча бўлим ва пенальтилар сериясига тайёргарлик кўрганмиди?
— Ҳа, албатта, тайёргарлик кўргандик. Лекин мақсадимиз асосий вақтда масалани ҳал қилиш эди. Лекин шундай бўлса-да, пенальтилар сериясига машғулотлар вақтида тайргарлик кўргандик. Шу ўринда “Сўғдиёна” жамоасини кубокнинг кейинги босқичида омад ёр бўлишини тилайман.

— Бугунги учрашув ҳакамларига эътирозингиз борми?
— Бор. Лекин ҳакамлар икки жамоа учун хато қарор қабул қилди. Бу томонлама дуранг дейиш мумкин. Шундай бўлса-да, мана шундай даражадаги учрашувда ВАР бўлиши керак эди.