"Бавария" бош мураббийи Юлиан Нагельсманн Германия чемпионатининг 5-туридан ўрин олган "Юнион" билан ўйин (1:1) натижаси ҳақида фикр билдирди.
"Юнион" яхши ўйнади, лекин кўп вазиятларда суст ва ноаниқ ҳаракат қилдик. Дуранг адолатли натижа бўлди.
“Боруссия”га қарши ўйиндагидек кўп имкониятлар ярата олмадик, шунинг учун йўқотилган икки очко ҳақида гапириб бўлмайди.
Биз сўнгги ҳафталар даражасида эмас, балки анча бепарво ўйнадик. "Юнион" яхши ҳимояланди, интизомли, ихчам ва очко олишга лойиқ эди", - дея мураббийнинг сўзларидан иқтибос келтиради Kicker.
«Бавария» 11 очко жамғариб, Бундеслига турнир жадвалида 3-ўринга тушиб кетди. 11 очко билан “Юнион” 4-чи қаторда жойлашган.
