Каталониянинг "Барселона" клуби президенти Сандро Россел яқиндагина Хитойнинг "Шангхай" клубига кўчиб ўтган Дрогбанинг Каталонияга келиши борасидаги хабарларни инкор этди.
"Мен Дрогба ҳақида ҳеч нарса билмайман. Агар у шу ерда бўлса, демак у таътил олган. Бироқ "Барселона" билан унинг ҳеч қандай алоқаси йўқ", дейди Россел "Скай Спортс" нашрига берган интервьюси чоғида.
"Дрогба "Барса"да — бу бўлиши мумкинмас. Биз олдин таъкидлаганимиздек у июль ойидани бошлаб "Шангхай" учун ўйнашни бошлайди", дейди футболчини сотиб олиш ишлари билан шуғулланган "Sports PR Company" фирмаси ўз твиттерида.