Туриннинг “Ювентус” клуби раҳбарияти бразилиялик ҳимоячи Данило билан ҳамкорликни узайтиришдан манфаатдор. Бу ҳақда журналист Николо Скира маълум қилди.
Инсайдернинг сўзларига кўра, томонлар бу борада музокараларни бошлаган. "Кекса синьора" футболчи билан шартномани 2025 йилнинг ўрталарига қадар узайтирмоқчи. Данилонинг амалдаги шартномаси муддати 2023/2024 йилги мавсум охиригача ҳисобланган.
Италия чемпионатининг жорий мавсумида Данило бешта ўйин ўтказиб, битта сариқ карточка олди.
Беш турдан сўнг Турин гранди А Серия турнир жадвалида бешинчи ўринни эгаллаб турибди.
