"Ливерпуль" бош мураббийи Юрген Клопп ОАВ билан Англия чемпионатининг 6-тури доирасидаги "Эвертон"га (0:0) қарши ўйинни муҳокама қилди. Суҳбат чоғида немис мураббийи рақиб дарвозабони Жордан Пикфорднинг ўйинини қайд этди.
“Яхши дерби бўлди. Жамоаларда кўп имкониятлар бўлди, биз уч марта дарвоза тўсинини нишонга олдик. Пикфорд кўплаб ажойиб сейвларни амалга оширди. Мен унинг ўйинидан ҳайратдаман”, — деди Клооп.
Олтита ўйиндан сўнг “Ливерпуль” тўққиз очко жамғариб, турнир жадвалида олтинчи ўринни эгаллаб турибди. "Эвертон" 4 очко билан 16-ўринда бормоқда.
