Норвегиялик футболчи худди шу руҳда давом этса, кўплаб рекордларни янгилаши мумкин. Биз Холанд яна қандай ютуқларга эриша олиши ҳақида сўз юритамиз.
Ҳамма Эрлинг Холанднинг «Манчестер Сити»да тўпурарга айланишини кутганди, аммо дастлабки 6 турда ҳеч ким 10 та гол кутмаганга ўхшайди. Норвегиялик футболчи қандай рекордларни янгилаши мумкин?
Бир мавсумда энг кўп гол уриш
Холанд янгилаши мумкин бўлган энг аниқ рекорд бу мавсумдаги энг кўп голлардир. 2017/18 йилги мавсумда, Премьер-лигада Муҳаммад Салоҳ 32 та гол урди, яъни тўрт мавсум аввал Луис Суарес қайд этган голдан биттага кўп дегани. Аввалроқ турнир 42 тур ўтказилган бўлиб, бу вақт давомида рекорд 34 тагача қайд этилган бўлиб, Коул ва Ширерга тегишли бўлган.
Бироқ, энди норвегиялик уларнинг барчасидан ошиб кетиши мумкин. Холандда аллақачон 10 та гол бор, яъни исталган натижанинг деярли учдан бир қисми. «Манчестер Сити» қандай ҳужум ташкил этиши ва имкониятлар яратишини инобатга олсак, норвегиялик футболчи ҳар бир учрашувда устунлик қилиш учун бир нечта имкониятларга эга бўлади. Салоҳнинг рекордини янгилаш учун Холанд ўз имкониятларини голга айлантиришда давом этиши ва жароҳатлардан қочишга ҳаракат қилиши керак.
Ҳар бир гол учун энг кам дақиқа
Англия премьер-лигасининг бу рекорди ҳозирда Серхио Агуэрога тегишли. Аргентиналик футболчи ҳар бир голга ўртача 108 дақиқа вақт сарфлади - бир учрашувдан сал кўпроқ. Умуман олганда, Агуэро "Манчестер Сити" сафида 184 та гол урган.
Холанд ҳозирча ҳар бир голга ўртача 43 дақиқа сарфламоқда. Натижа ажойиб! Албатта, норвегиялик бу тезлигини сақлаб қолишини тасаввур қилиш қийин. Акс ҳолда, фақат кейинги 87 ўйинда у Агуэрога етиб олади. Бироқ, Холанд Агуэронинг тезлигини яхшилай оладиган ҳужумчи сифатида намоён бўлади - 90 дақиқадан камроқ вақт ичида 1 та гол.
Кўплаб хет-триклар
Бу ерда Эрлинг Холанд бир вақтнинг ўзида бир нечта рекордларни янгилаши мумкин. У аллақачон 6 турда икки марта 3 тадан гол уришга муваффақ бўлган. Алан Ширер ҳозирча бир мавсумда энг кўп хет-трик қайд этган. 1995/96 йилги мавсумда у бешта ўйинда учтадан гол урган. Афтидан, Холанд бу мавсумдаёқ ушбу натижага эришиши мумкин.
Узоқ вақт давомида Серхио Агуэро Премьер-лигада шу кунгача энг кўп хет-трик қайд этган. Аргентиналик футболчи 12 та баҳсда бу ишни такрорлаган. Бу рақам Холанд учун эришиб бўлмайдиган кўринмайди.
Ўйиндан кўра кўпроқ голлар
Англия Премьер-лигаси тарихида ҳеч қачон тўпурар ўйнаган ўйинларидан кўпроқ гол ургани йўқ. Харри Кейн бу натижага энг яқин келди. 2017 йилда ҳужумчи 30 учрашувда 29 та гол урган. Тўғри, Кейн ўшанда Премьер-лиганинг энг яхши тўпурарига айланмади, лекин ҳар бир ўйинда 0,97 гол қайд этган ҳолда у энг самаралиси бўлди. Холанд бу жадвални жиддий четлаб ўтади ва ҳақиқатан ҳам мавсумнинг энг яхши тўпурари номига интилади.
Премьер-лига тарихидаги энг яхши тўпурар
Турнирнинг барча вақтлардаги энг яхши тўпурари Алан Ширер бўлиб, у 260 та гол урган. Ҳозирча унинг асосий таъқибчиси Харри Кейн бўлиб, у 188 та аниқ зарбага эга. Шунга қарамай, Холанд иккаласидан ҳам олдинга ўтишни ўз олдига мақсад қилиб қўйиши мумкин ва математика норвегиялик томонида. У эндигина 22 ёшда, у АПЛда камида 10 мавсумни ўтказиши мумкин.
Ширернинг рекорди йўлида Холанд яна бир нечта рекордларни янгилаши керак бўлади:
- Норвегиялик энг яхши тўпурар - Оле-Гуннар Сульшер (91 гол);
- Европанинг энг яхши тўпурар-легионери - Тьерри Анри (175 гол);
- "Манчестер Сити"нинг энг яхши тўпурари, энг яхши тўпурар-хорижий футболчи, ўша клуб таркибидаги энг яхши тўпурар - Серхио Агуэро (184 та гол).
Холанд янгилаши мумкин бўлган яна бир нечта рекордлар:
- Премьер лигада ҳеч қачон бир ўйинчи 1 учрашувда 6 та гол ургани йўқ;
- Жеймс Варди кетма-кет 11 ўйинда гол урди (Эрлинг Холандда ҳозир кетма-кет тўртта ўйин серияси бор);
- Кевин де Брюйне 24-дақиқада хет-трик қайд этди, бу ўйин бошидан ҳисобланганда энг яхши натижа ҳисобланади;
- Садио Мане ҳали "Саутгемптон" сафида бўлганида 16 дақиқада учта гол урган эди.
