Португалия терма жамоаси сардори Криштиану Роналду Испанияга қарши кечадиган Евро-2012 доирасидаги ярим финал ўйинидан олдин ўз фикрлари билан ўртоқлашди.

"Ўзимни жуда ҳам яхши ҳис қиляпман. Мусобақа бошидан бери шундай ажойиб кайфиятдаман".

"Испанияга қарши ўйин олдидан ортиқча босим сезилгани йўқ. Мен бундай босимларни енгиб ўтишни ўрганиб олганман. Бу шунчаки фаолиятимдаги навбатдаги учрашув. Мен масъулиятни яхши ҳис қилиб турибман, лекин ҳеч қандай босимни эмас".

"Жамоамиз майдонда борини бериб ҳаракат қиляпти, натижа ҳам шунга яраша бўлмоқда.  Ҳеч ким ўз ишидан норози бўлаётгани йўқ."

"Биз финалда ўйнашимиз мумкин. Европа чемпионати орадан саккиз йил ўтиб яна қўшимча иштиёқни бермоқда. Испанияга қарши ўйин оғир бўлишини биламиз, аммо бизни финалдан бор-йўғи битта ўйин ажратиб турганини ҳам унутмаслигимиз керак”, - дейди Роналду УЕФА расмий сайтига берган интервюси чоғида.