"Арсенал" ярим ҳимоячиси Мартин Эдегор "Манчестер Юнайтед"га қарши ўйинда ВАРда ишлаган Пол Тирнидан норози бўлди.
“МЮ” билан ўйиннинг (1:3) 12-дақиқасида норвегиялик футболчи майдон марказида ярим ҳимоячи Кристиан Эриксендан тўпни олиб қўйишга уриниб, рақибни йиқитди, шундан сўнг Габриэл Мартинелли узатмани қабул қилиб олди ва манкунианликлар дарвозасини ишғол қилди. Бош ҳакам видеотакрорни кўриб, ёрдамчининг кўрсатмаси билан голни бекор қилишга қарор қилди.
“Менимча, бу умуман қоидабузарлик эмас. Тўқнашув юмшоқ бўлди ва ВАР аралашуви учун қоидабузарлик аниқ ва равшан бўлиши керак.
Ҳаммаси жуда юмшоқ эди. Такрорий лавҳалар вазиятни энг ёмон кўринишда тақдим этиш мумкин. Бу қўполлик эмас ва ҳакам ўйинни давом эттириши керак эди”, - деди Эдегор.