Россия терма жамоаси собиқ бош мураббийи Россия ОАВда ўзи ҳақида билдирилган танқидларга муносабатини билдириб ўтди.

"Россияда маош учун ҳар куни нималарнидир ёзиши керак бўлган журналистар кўп. Улар ҳожатхонада ишлаётган санитар ҳақида ҳам репортаж қилишлари мумкин.
Кимдир футболчиларимни кўпроқ шуғуллантиришим кераклигини ёзса - менга босим тушмайди. "Биз кўпроқ шуғулланишимиз керак" - бу рус журналистларининг Евро-2012га тайёргарлик пайтидаги энг кўп ёзган мавзулари.

Шунингдек, мусобақадан чиқиб кетганимиздан сўнг мен ҳақимда нималар ёзганлари мени мутлақо қизиқтирмайди. Менга жамоада соғлом муҳит бўлгани маъқул эди ва биз чиройли футбол кўрсата олдик. Тўғри, ўша пайтда бундай аламли мағлубиятдан сўнг матбуот нима деб ёзиши бироз ўйлантирган эди", - дейди Адвокат "Советский Спорт" нашрига.