"Манчестер Юнайтед" афсонаси Пол Скоулз нидерландиялик мутахассис Эрик тен Хагнинг жамоа бошқарувидаги фаолияти ҳақида ўз фикрини айтди.
"Жамоадаги кўплаб ўйинчилар Тен Хагнинг услубига тўғри келмайди, аммо у бу ўйинчилар билан ғалаба қозониш йўлини топди. Эрик улар билан қарши ҳужумда ўйнашни ўрганди. Менимча, буни ўзгартириш керак эмас. Тен Хагга қилган иши учун мукофот бериш керак", - деди Скоулз Manchester Evening News билан суҳбатда.
Мавсум аввалидаги иккита мағлубиятдан сўнг "манкунианликлар" кетма-кет тўртта ғалабани тантана қилишди. Олти турдан кейин "Манчестер Юнайтед" 12 очко билан турнир жадвалида бешинчи ўринда бормоқда.
Жамоа Премьер-лигадаги навбатдаги ўйинни меҳмонда "Кристал Пэлас"га қарши ўтказади.
