“Фламенго” ҳужумчиси Габриэль Барбоза “Сеара”га қарши учрашувда (1:1) ҳисобни тенглаштирди.

Ҳужумчи 26 ёшу 5 кунлигида Бразилия чемпионатида 100 та гол урган энг ёш футболчига айланди.

Габигол "Васко да Гама"нинг барча вақтлардаги энг яхши тўпурари Роберто Динамитани ортда қолдирди, у 1980 йилнинг май ойида, 26 ёшу 24 кунлигида ушбу маррага эришганди.

Умуман олганда, Габигол лигада "Фламенго" учун 58 та гол урган бўлса, яна 42 тасини "Сантос"да ўйнаганида урган.

Футболчи "Интер" ва "Бенфика"даги ўйинлари билан ҳам танилган.