"Барселона" ярим ҳимоячиси Миралем Пьянич турли хил вариантларни ўрганмоқда.

Аввалроқ маълум бўлганидек, БААнинг "Шаржа" клуби босниялик футболчини қўлга киритишга тайёр. SER хабарига кўра, Пьянич атрофидагилар 32 ёшли футболчини бошқа таклифлар борлигига ишонтирмоқда, уларнинг тафсилотлари ҳозирча ошкор этилмаган. Ярим ҳимоячи тез орада "Барселона"ни тарк этиши мумкин.

Аввалроқ “кўк-анорранглилар” бош мураббийи Хави Пьяничга умид боғлаётганини тан олган, бироқ шу кунгача расмий учрашувларда унга бирорта ҳам ўйин дақиқаси бермаган.

Ярим ҳимоячининг "Барселона" билан шартномаси 2024 йилгача мўлжалланган.