"Барселона" ярим ҳимоячиси Миралем Пьянич фаолиятини БАА чемпионатида давом эттириши мумкин, дея хабар беради инсайдер Фабрицио Романо.

"Шаржа" клуби 32 ёшли боснияликни трансфер қилиш таклифи билан чиқди. 6 сентябрь, сешанба куни у музокараларни якунлаш учун БААга учиб кетиши кутилмоқда.

Якуний қарор боснияликда қолади. Уни "Шаржа"га ўтиш ғояси ўзига тортди ва томонлар келишувнинг якуний тафсилотларини муҳокама қилгандан сўнг яқин орада келишувга эришиш мумкин.

Пьянич ўтган мавсумни "Бешиктош"да ижарада ўтказган ва бунинг учун 26 ўйинда 4 голга ассистентлик қилган. Унинг "Барселона" билан шартномаси 2024 йилнинг июнида якунига етади.