"Челси" ярим ҳимоячиси Матео Ковачич Пьер-Эмерик Обамеянг жамоани анча рақобатбардош қилишига ишонмоқда.
33 ёшли ҳужумчи ёзги трансфер ойнаси ёпилиши арафасида "Барселона"дан 12 миллион евро эвазига "кўклар" сафига қўшилди.
"Обамеянг - ҳақиқий ҳужумчи ва тўпурар, бизга сўнгги йилларда айнан шундай ўйинчи етишмаётган эди.
Бизда мавсумда 20-25 та гол урадиган ҳужумчи йўқ эди, бу эса чемпионлик учун зарур. Биз унинг қачон «Челси»да яхши ўйнашини интиқлик билан кутамиз", - дейди хорватиялик ярим ҳимоячи.
Томас Тухелнинг сўзларига кўра, Пьер-Эмерик Обамеянг лондонликлар сафидаги дебютини сешанба куни Чемпионлар лигаси доирасида Загребнинг "Динамо"сига қарши ўйинида ўтказиши мумкин.
