“Урал” ярим ҳимоячиси Остон Ўрунов Ўзбекистон миллий терма жамоасига чақирилди, деб хабар бермоқда Екатеринбург клуби матбуот хизмати.
19-28 сентябрь кунлари Ўзбекистон терма жамоаси Корея Республикасига йиғин ўтказиш учун жўнаб кетади.
23-куни юртдошларимиз Камерун, 27-куни эса Коста-Рика билан ўртоқлик учрашуви ўтказади.
2 сентябрь куни “Урал” ўзбекистонлик 21 ёшли ярим ҳимоячи билан шартнома имзолаганини маълум қилганди. Екатеринбург клуби ва Ўрунов ўртасидаги келишув 2024 йилнинг 30 июнига қадар амал қилади.