"Селтик" бош мураббийи Анжелос Постекоглу Чемпионлар лигаси доирасида "Реал"га қарши ўйиндан ўз фикрлари билан ўртоқлашди. Мутахассис турнирнинг амалдаги чемпиони билан қарама-қаршилик билан боғлиқ катта орзулари борлигини тан олди. Постекоглунинг сўзларига кўра, унинг жамоаси ҳужумкор футбол ўйнайди.

“Муайян футбол ўйнаб, кучли рақибга дуч келганда ундан воз кечишдан фойда йўқ. Камтарлик қилиш мумкин эмас. Агар сиз ўз ўйинингиздан воз кечсангиз, ҳимоявий ҳаракатни бошласангиз, ғалаба қозонишингиз мумкин. Лекин бундай футболни ўз кучини синаш деб аташ мумкинми? Биз ўз футболимизни ўйнаймиз ва шундай рақиб фонида ўзимизни синаб кўрамиз. Агар биз етарли даражада эмаслигимиз аниқланса, машғулотларга қайтамиз ва тинмай ишлашда давом этамиз. Футболчиларимиз ўзларидан нима талаб қилинишини яхши билишади” - деди Постекоглу матбуот анжуманида.