"Челси" раҳбарлари қишки трансфер ойнасида нидерландиялик ярим ҳимоячи Френки де Йонгнинг трансфери бўйича "Барселона" билан музокара ўтказмоқчи.
Football Espana нашри хабарига кўра, Лондон клуби ёзда Туманли Альбионга ўтишдан қатъиян бош тортган 25 ёшли нидерландиялик футболчини қишда қўлга киритиш учун яна бир уриниб кўришга тайёр.
Эслатиб ўтамиз, “Манчестер Юнайтед” ярим ҳимоячи де Йонг билан шартнома имзолашни ҳам режалаштирганди.
Френки де Йонг якунда Каталония клубида қолишга қарор қилди. Жорий мавсумда у Испания чемпионатида “кўк-анорранглилар” таркибида тўртта ўйин ўтказди.