Ўзбекистонлик ФИФА реферилари – Равшан Эрматов ва Валентин Коваленко ЖЧ-2014 беллашувлари учун танлаб олинган асосий ҳамда заҳира ҳакамлари учун мўлжалланган семинарда иштирок этиш учун ОФКдан таклифнома олишди.
Семинар шу йилнинг 2 сентябрь куни Малайзиянинг Каула-Лумпур шаҳрида бўлиб ўтади. Унда асосий эътибор ҳакамларни Бразилияга мундиали учун тайёрлашга қаратилади. Унинг доирасида ФИФА реферилари назарий ва амалий машғулотлар ёрдамида мусобақага тайёргарлик кўришади.
Қайд этиш керак, Равшан Эрматов жаҳон чемпионатига бориши мумкин бўлган асосий ОФКнинг 7 нафар асосий ҳакамлари рўйхатидан жой олган. ФИФА ва ОФК тасарруфидаги мусобақалардаги иштироки уни жаҳон чемпионатига янада яқинлаштириб боради. Ўз навбатида Валентин Коваленко 2014 йилги футбол мундиалига ташриф буюриши мумкин бўлган заҳира ҳакамлари рўйхатига киритилган.
