"Реал" бош мураббийи Карло Анчелотти ярим ҳимоячи Лука Модрич билан ишлаш ҳақида гапирди.

“У ҳали ҳам энг яхши ярим ҳимоячилардан бири. У фаолияти давомида ҳеч қандай жиддий жароҳат олмаган, бу унга 36 ёшида жуда яхши ўйнаш имконини беради. У шу ҳафта 37 ёшга тўлади ва туғилган кунини нишонламоқда. Умид қиламанки, таклиф этишади (кулади). У ажойиб ўйинчи, ажойиб хулқ-атвори, ажойиб фазилатлари бор", - дея Анчелотти сўзларини келтиради Madrid Universal.

Модрич жорий мавсумда "Реал" сафида Ла Лиганинг 4 та ўйинида гол урди ва голли узатмани амалга оширди. У испан клубида 2012 йилдан буён ўйнаб келмоқда, келишув 2023 йилнинг 30 июнига қадар амал қилади.