"ПСЖ" ҳужумчиси Килиан Мбаппе Чемпионлар лигаси гуруҳ босқичи 1-туридан ўрин олган "Ювентус"га (2:1) қарши ўйиннинг энг яхши футболчиси деб топилди. Ўйиндан сўнг 23 ёшли франциялик футболчига махсус мукофот топширилди.

9-дақиқада Мбаппе ҳисобни очган бўлса, 22-дақиқада дубль қайд этди.

1-тур натижаларига кўра, H гуруҳини "Бенфика" (3 очко), "ПСЖ" - иккинчи (3 очко), "Ювентус" - учинчи (0 очко), "Маккаби" - тўртинчи (0 очко) эгаллаб турибди.

14 сентябрь куни иккинчи турда “ПСЖ” сафарда Хайфанинг “Маккаби” жамоаси билан ўйнайди, “Ювентус” эса ўз майдонида “Бенфика”ни қабул қилади.