Чемпионлар лигаси гуруҳ босқичи 1-тур учрашувида Лиссабоннинг “Бенфика” клуби ўз майдонида “Маккаби”ни қабул қилиб, 2:0 ҳисобида ғалаба қозонди. Учрашувдан сўнг "бургутлар" бош мураббийи Рожер Шмидт ОАВ вакилларига интервю берди.

"Ўйин биз учун қийин бўлди. “Маккаби” жисмоний жиҳатдан мукаммал тарзда тайёрланган яхши рақиб. Бизга ҳужумда эркин зоналарни топиш осон бўлмади. "Бенфика" ўйин ритмини топиш учун 45 дақиқа вақт сарфлади. Танаффус вақтида йигитларга ғалаба қозонишни истасак, бор кучимизни ишга солишимиз кераклигини айтдим. Кейин Силва ва Грималдонинг голлари бўлди. Ғалаба билан бошлаганимиздан хурсандман", - дея хабар беради УEФА матбуот хизмати мураббий сўзларидан.

Чемпионлар лигасининг навбатдаги ўйинида “Бенфика” Туриннинг “Ювентус” жамоаси билан тўқнаш келади.