Chempionlar ligasi guruh bosqichi 1-tur uchrashuvida Lissabonning “Benfika” klubi o‘z maydonida “Makkabi”ni qabul qilib, 2:0 hisobida g‘alaba qozondi. Uchrashuvdan so‘ng "burgutlar" bosh murabbiyi Rojer Shmidt OAV vakillariga intervyu berdi.

"O‘yin biz uchun qiyin bo‘ldi. “Makkabi” jismoniy jihatdan mukammal tarzda tayyorlangan yaxshi raqib. Bizga hujumda erkin zonalarni topish oson bo‘lmadi. "Benfika" o‘yin ritmini topish uchun 45 daqiqa vaqt sarfladi. Tanaffus vaqtida yigitlarga g‘alaba qozonishni istasak, bor kuchimizni ishga solishimiz kerakligini aytdim. Keyin Silva va Grimaldoning gollari bo‘ldi. G‘alaba bilan boshlaganimizdan xursandman", - deya xabar beradi UEFA matbuot xizmati murabbiy so‘zlaridan.

Chempionlar ligasining navbatdagi o‘yinida “Benfika” Turinning “Yuventus” jamoasi bilan to‘qnash keladi.