Мадриднинг “Реал” клуби дарвозабони Тибо Куртуа Чемпионлар лигаси гуруҳ босқичининг 1-турида Шотландиянинг “Селтик” жамоасига қарши кечган учрашув ҳақида гапирди. "Қироллик клуби" барча голларни иккинчи бўлимда киритиб, 3:0 ҳисобидаги ғалабани нишонлади.
“Биринчи бўлимда бизга осон бўлмади, рақиб ўз уйида ўйнади ва ҳужумга ошиқди. Ўша оқшом энг яхши ҳолатда эдик, деб айта олмайман. Жамоа ўйин суръатига кўникиб қолганида ҳужумни кучайтириб, гол уришга муваффақ бўлди”, — деди Куртуа УЕФА матбуот хизматига.
Чемпионлар лигасининг навбатдаги ўйинида "Реал" ўз майдонида "Лейпциг" билан ўйнайди.
