Дортмунднинг “Боруссия” клуби ярим ҳимоячиси Жуд Беллингем ЕЧЛ гуруҳ босқичи 2-турида “Манчестер Сити”га қарши бўлиб ўтадиган ўйин ҳақида фикр билдирди. Эслатиб ўтамиз, "шаҳарликлар" сафида "арилар"нинг собиқ ҳужумчиси Эрлинг Холанд ўйнамоқда.
“Ҳеч ким Эрлингни қандай тўхтатишни билмайди. Агар мен унга қаршилик кўрсатиш чорасини билганимда, анча каттароқ нархга эга бўлардим. Дортмундликлар Холандни зарарсизлантириш учун қўлидан келган барча ишни қилишлари керак. Шу билан бирга, "Манчестер Сити" таркибида ҳам бошқа ажойиб футболчилар борлигини унутмаслигимиз керак", - деди ярим ҳимоячи УЕФА матбуот хизматига.
"Манчестер Сити" - "Боруссия" учрашуви 14 сентябрь куни Англияда бўлиб ўтади.
