Чемпионлар лигаси гуруҳ босқичи 1-тури доирасидаги ўйинда “Лейпциг” ўз майдонида Украинанинг “Шахтёр” клубини қабул қилиб, 1:4 ҳисобида мағлубиятга учради. Бу натижадан сўнг Доменико Тедесконинг жамоа бош мураббийлигидан четлатилиши ҳақида маълумотлар пайдо бўлди. Мутахассис бу ҳақда фикр билдирди.
"Ишдан бўшатиш ҳақидаги миш-мишлар? Бу мураббийлик ишининг бир қисми, ҳамма нарса жуда тез содир бўлади", - деди германиялик мураббийи DAZN билан суҳбатда.
Чемпионлар лигасини ёмон бошлаганидан ташқари, "Лейпциг" жамоаси Германия чемпионатида ҳам ёмон ўйин кўрсатмоқда. Бешта турдан сўнг “буқалар” турнир жадвалида 11-ўринни эгаллаб турибди.
