“Манчестер Сити” ярим ҳимоячиси Жек Грилиш 2022/2023-йилги мавсум Чемпионлар лигаси гуруҳ босқичи 1-тури доирасида “Севилья”си устидан қозонилган ғалаба ҳақида гапирди.

“Сафарда 4:0! Чемпионлар лигасининг янги мавсумини бошлашнинг ажойиб усули. Офарин, йигитлар”, - деб пост қолдирди ярим ҳимоячи ижтимоий тармоқлардаги саҳифасида.

Қўшимча қиламизки, Хосеп Гвардиола шогирдлари Чемпионлар лигаси доирасидаги навбатдаги ўйинни Дортмунднинг "Боруссия" жамоасига қарши ўз майдонида ўтказади. Беллашув 14 сентябрь чоршанба куни бўлиб ўтади.