"Урал" жамоасининг янги аъзоси, ҳамюртимиз Остон Ўрунов екатеринбургликлар билан биринчи машғулотидан кейинги фикрлари билан ўртоқлашди.
“Таассуротлар ажойиб. Ҳақиқат шуки, мен бу ерда ҳеч кимни танимайман. Лекин жамоада яхши муҳит борлиги аниқ. “Урал”да барқарор жамоа бор. Екатеринбургда яхши стадион, яхши мухлислар бор”, - деди Ўрунов клуб расмий сайтига.
Эслатиб ўтамиз, шу йилнинг 2 сентябр куни 21 ёшли Ўрунов Москванинг "Спартак" клубини тарк этди ва шу куннинг ўзидаёқ "Урал" билан икки йиллик шартнома имзолаган эди.
"Урал" навбатдаги ўйинини 11 сентябр куни "Торпедо"га қарши ўтказади. Учрашув Тошкент вақти билан соат 15:00да бошланади. Ўруновнинг сўзларига кўра, у ушбу ўйинда иштирок этишга тайёр бўлади.
