"Челси"нинг Томас Тухелни истеъфога чиқариш қарори Загребдаги мағлубият билан боғлиқ эмас. Жамоа Чемпионлар лигаси гуруҳ босқичининг биринчи турида "Динамо" (Загреб)га 0:1 ҳисобида мағлуб бўлганди.
The Athletic нашри хабарига кўра, Лондон клуби раҳбарлари сешанба кунги ўйиндан олдин ҳам немис мутахассиси билан хайрлашишга қарор қилишган.
Аввалроқ, сўнгги пайтларда Томас Тухель ва жамоа футболчилари ўртасидаги муносабатлар ёмонлашгани ҳақида хабар берилганди.
Ҳозирда "Брайтон" билан муваффақиятли ишлаётган Грэм Поттер "Челси" бош мураббийи бўлиш учун асосий даъвогар саналмоқда.
