Португалия терма жамоаси яримҳимоячиси Евро-2012 ярим финалида испанларга қарши ўтган ва пенальтилар сериясида бой берилган баҳс юзасидан ўз хулосаларини билдирди.
"Майдонда жон-жаҳди билан ҳаракат қилиб, жамоанг ютқазса жуда оғир бўлар экан. Пенальтилар сериясида эса қўлингдан ҳеч нарса келмайди – бу ёғи энди омадга боғлиқ бўлиб қолади. Испанияни табриклайман.
Алвеш пенальти тепишга бораётганда, мураббий навбат меникилигини айтиб қолди. Бу менга таъсир қилгани йўқ, чунки доим ўзимга ишонаман. Мураббий пенальтини кимлар тепишини аввалдан белгилаб берган эди, бироқ мен ва Бруну ўртасида аллқандай тушунмовчилик юз берди.
Бизда ўйнаш ва гол уруш учун етарли вақт бор эди, вазиятлар яратдик, бироқ ҳар икки жамоага ҳам қийин бўлди. Биз якуний пас ва зарбани беришда яхшироқ ҳаракат қилишимиз керак эди. Айнан шунинг учун биз гол кирита олмадик", — дея Нани сўзларини келтирмоқда Би-Би-Си.
