Испания терма жамоаси дарвозабони Евро-2012 ярим финалида Португалия терма жамоасини пенальтилар сериясида мағлуб этилгандан сўнг (4:2) фикрлари билан ўртоқлашди.
"Испания терма жамоаси ҳозир ўз тарихини ёзмоқда. Тўрт йил аввал кетма-кет учта финални орзу ҳам қила олмасдик. Энди учинчи шоҳсупани ҳам ютишни истаяпмиз.
Пенальтилар пайти хотиржам эдимми? Бу лоторея, шунинг учун ҳаяжонланмасликнинг иложи йўқ. Аммо буни ичингда сақлашинг керак. Ҳаммаси биз учун омасиз бошланди, аммо мен дарҳол зарбани ушладим ва вазият тенглашди.
Бизда ҳам, португалларда ҳам кучли пенальтичилар бор. Мен Криштиану пенальти бажармаганидан бироз ажабландим. Менимча, унинг ўзи ё мураббийнинг кўрсатмаси бўлса керак.
Франция билан ўйиндан сўнг бироз чарчоқ аломатлари кўрина бошлади, аммо бу катта мусобақа графиги. Финалгача тайёрланиш учун бир кун ортиқча кунимиз бўлади", - дейди Касильяс.
