“Интер” ҳужумчиси Эдин Жеко ЕЧЛ гуруҳ босқичи 1-тури доирасидаги “Бавария”дан учралган мағлубият (0:2) ҳақида фикр билдирди.
“Менимча, “Бавария” бугун биздан кучлироқ кўринди, гарчи гол уриш учун имкониятларимиз бўлса ҳам. Бундай жамоа арзимаган хато учун жазолайди. Охирги бир неча кун ичида учта мағлубият ҳақида нима дейиш мумкин? Мен асабий эмасман. Биламан, биз кучлимиз ва ҳали 100 фоиз қувватга эриша олмадик. Бу мағлубиятлар биз ўз устимизда ишлашимиз кераклигини кўрсатмоқда", - деди Жеко УЕФА матбуот хизматига.
Чемпионлар лигаси гуруҳ босқичининг 2-турида “Бавария” “Барселона” билан, “Интер” эса “Виктория”га қарши баҳс олиб боради. Ўйинлар 13 сентябрь куни бўлиб ўтади.
