"Интер" ярим ҳимоячиси Робин Гозенс Чемпионлар лигаси гуруҳ босқичи 1-тури доирасидаги "Бавария"дан учралган мағлубият (0:2) ҳақида фикр билдирди.
"Танаффусда бир-биримизга ўзимизга ишонишимиз кераклигини айтдик ва иккинчи бўлимда 10-15 дақиқа жуда яхши ўйнадик. Ушбу сегментда гол уриш - бу ўйиннинг кейинги бориши учун кайфиятни ўзгартириши мумкин. Афсуски, биз муваффақиятсизликка учрадик ва яна жазоландик. Унутмайлик, биз ажойиб жамоа, дунёнинг энг зўр клубларидан бирига қарши ўйнадик", - деди Гозенс УЕФА матбуот хизматига.
Чемпионлар лигаси гуруҳ босқичининг 2-турида “Бавария” “Барселона” билан, “Интер” эса “Виктория”га қарши баҳс олиб боради. Ўйинлар 13 сентябрь куни бўлиб ўтади.
