"Рейнжерс" клуби бош мураббийи Жованни Ван Бронхорст ЕЧЛ гуруҳ босқичи доирасидаги "Аякс"дан учралган мағлубият (0:4) ҳақида фикр билдирди.
“Биз жуда хафамиз. Биз Чемпионлар лигасида ўйин юқори савияда бўлишини билардик. Ўйнашга 100 фоиз тайёр бўлиш керак. Бу ерда ҳамма нарса тез: прессинг, реакция, тўпни назорат қилиш, узатиш тезлиги. Ҳаммаси жуда юқори савияда ўтди, айниқса биринчи бўлимда биз бунга тенглаша олмадик. Биз жанг қилдик ва ҳар бир хато учун жазоландик", - деди Ван Бронхорст УЕФА матбуот хизматига.
Чемпионлар лигаси гуруҳ босқичининг 2-турида “Рейнжерс” “Наполи”ни қабул қилса, “Аякс” сафарда “Ливерпуль” билан баҳс олиб боради. Ўйинлар 13 сентябрь куни бўлиб ўтади.
