"Челси" "Спортинг" бош мураббийи Рубен Аморимни жамоага таклиф қилишни кўриб чиқмоқда.
Журналист Низаар Кинселла хабарига кўра, "Челси" Аморимни олиб келиш ҳақида ўйламоқда. Sky Sports хабарига кўра, "Челси" эгаси Тодд Боэли "Спортинг" устози билан гаплашган.
Кеча Лондон клуби "Брайтон" устози Грэм Поттер билан суҳбат ўтказди. У "Челси"даги бўш ўрин учун фаворит, аммо ҳозирча мураббий "Брайтон"даи ишига қайтди.
“Кўклар” шунингдек, ҳалигача “ПСЖ” ва “Тоттенхэм” собиқ устози Маурисио Почеттинони таклиф қилиш вариантидан воз кечишмаган.
Лондон клуби якуний қарор қабул қилишдан олдин барча мумкин бўлган вариантларни кўриб чиқмоқчи.
