Ҳужумчи Диего Коста "Вулверхэмптон" клуби учун тиббий кўрикдан ўтмоқда. Журналист Фабрицио Романонинг ёзишича, агар “бўрилар” тиббий натижаларидан қониқса, испаниялик ҳужумчи клуб билан шартнома имзолайди.
Эслатиб ўтамиз, аввалроқ Костяга Буюк Британияда ишлаш учун рухсатнома берилмаган, аммо "Вулверхэмптон" раҳбарияти бу масалани ҳал қилишга муваффақ бўлганди.
Коста аввалроқ 2014 йилдан 2017 йилгача Лондоннинг “Челси” клуби сафида Англия Премьер-лигасида ўйнаган. "Кўклар" таркибида тажрибали ҳужумчи икки марта Англия чемпионига айланди: аввалига Жозе Моуриньо, кейин эса Антонио Конте бошчилигида.
