"Ливерпул"нинг собиқ дарвозабони Лорис Кариус Англия Премьер-лигаси жамоаси билан шартнома имзолашга яқин турибди.
Sky Germany нашри хабарига кўра, германиялик дарвозабон "Ньюкасл" клуби учун тиббий кўрикдан ўтиш учун келган.
Агар ҳаммаси яхши бўлса, Лорис "Ньюкасл" билан қисқа муддатли шартнома имзолаши керак. Германиялик посбон “Манчестер Юнайтед”га сотиб олиш опцияси билан ижара асосида ўтган Мартин Дубравка ўрнига ўринбосар дарвозабон сифатида кўрилмоқда.
Эслатиб ўтамиз, "Ньюкасл"нинг асосий дарвозабони ёзда "Бёрнли"дан келган Ник Попе ҳисобланади. Кариус “Ливерпул”ни текинга тарк этди.
