"Интер" дарвозабони Самир Ханданович А Серия доирасида "Торино" жамоасига қарши бўлиб ўтадиган ўйинда асосий таркибга қайтади. Бош мураббий Симоне Индзаги кеча "Бавария"дан учралган мағлубиятдан сўнг матбуот анжуманида буни тасдиқлади.

Эслатиб ўтамиз, Андре Онана ёзда "Аякс"дан эркин агент сифатида "нерадзуррилар" сафига қўшилган эди ва "Интер"нинг асосий таркибида "Бавария" жамоасига қарши ўйинда дебют қилган эди. Катта эҳтимол билан Онана Чемпионлар лигасида, Ханданович эса А Серияда асосий дарвозабон бўлади.

Хандановичнинг "Интер" билан шартномаси жорий мавсум охиригача амал қилади.