Қиролича Елизавета II вафоти муносабати билан Премьер-лиганинг навбатдаги тур ўйинлари бошқа вақтга кўчирилиши мумкин.
Daily Mail журналисти Майк Киганнинг хабар беришича, Англиядаги Премьер-лига ва бошқа лигалар мамлакатда мотам эълон қилиш вақти ҳақида Буюк Британия расмийларидан расмий баёнотни кутмоқда.
Айни дамда ҳаммаси 10, 11 ва 12 сентябрь кунларига белгиланган лиганинг 7-тур ўйинлари қолдирилиши томон кетмоқда. Бу бугун эълон қилиниши мумкин.
Шунингдек, Daily Mail ўз материалида Премьер-лига клублари бўлажак ўйинлар бўлиб ўтмаслигига ишонч билдиришини ёзмоқда.
